Tognet e la Giovana

Tet’ricordet Tognet
Le tant an ier che sema spose
Et di semper che tem’vò tant ben
Inco che et ve al marchè
Portem a ca un regalen

Lasa ster la me Giovana
Me a quest’chi gò già pense 
quand son là ghe tanta roba
Ensò più cosa comprer

Cosa et portia un pera ed calswett
Con ricame dal rosi
Ma ed ghe al gambi tutti storti
Con al veni varicosi

Cosa et toghia un bel folard
Per quaceret un po la suca
Et ghe i sbafi con la berba
Una testa tutta pleda
Ad ghevol una paruca

Cosa vot una sotana?
O tet contentet don golfen
Ed ghe la gola fata a punta
Chisà sol te sta ben

Et comprarè un per de scherpi
Lè tant poc che tiò compredi
Ettie missi ander a mesa
E tie tutti scarcagnedi

Basta basta en voi più gninto
Te te gnu un spilorcion 
quand astrata ed to moiera 
sol d’ofender te te bon
che se me edsisa etertant 
di difett teghne accsè tant

te stervle et ve cme un nader
te te sord cme na campana 
et ghe na boca sensa dent
e la sott ando tved nison
te te tutt inimpotent

o Giovanna te perdonem
se son ste un po trop volgher
te tant bona te tant breva
te tal se chet voi tant ben

dopa tanta rufianeda
la Giovana lag va sven
lù a la brasa strica strica
e in dna guancia agdà un basen

Cesare Carlini - Cerezzola, 1994 -